Têgêrayîşê Cinîyanê Kurdan ê Ewropa (TJK-E) seba serrgêra 3yê tebaxe ya Fermanê Şengalî eşkerayîyêk daye û ard vîr ke hema zî aqûbetê nêzdîyê 2 hezar û 700 cinî û gedeyanê êzidîyan nêyeno zanayene. TJK-E serrgêra fermanî de teqwîmê çalakîyanê xo ke do Ewropa de bibê eşkera kerd.
TJK-E’yî derheqê qirkerdişê Şengalî de eşkerayî daye û wina vat: “Ser ra 12 serrî derbas bîyê la dej û janê fermanî û qirkerdişê cinî hema zî gandar o. No ferman sey ‘Fermano 74.’ tarîxî de cayê xo girewt. No ferman tena şarê êzidî ney, eynî wextî de wijdanê merdimîye de sey dejêko hempar ca gêno.”
TJK-E dewamê eşkerayî de wina vat: “Hêrişê Şengalî, tena îşxalkerdişê herêmêk nêbi; eynî wextî de, Rojhelatê Mîyanênî de îmhakerdişê nasnameyan, bawerîyan û kulturan bi. Nê hêrişî de bedêlo tewr giran cinîyan da. Bi hezaran cinî ameyê qetilkerdiş, ameyê kolekerdiş, raştê tedaya cinsî ameyê, teberî merdimîye de muamele dîyî. Bedenê cinîyan sey ganîmetê şerî ame vînayîş; dişmenê cinî û zîhnîyetê îslamî yo sîyasî, şîdeto cînsî bi hawayêko sîstematîk vurna wasitayê şerî.”
Tarîxî merdimîye de lekeyêko sîya yo
TJK-E dîyar kerd ke 3yê tebaxe Fermana Şengalî de dîyar bi ke seserra 21. de bazarê koleyan de rotişê cinîyan, remnayîşê gedeyan û qirkerdişê şaranê cîyayan seba merdimîye şermêko gird o. Rêxistina TJK-E bale ante ke wextê fermanî de xoverdayîşê Têgêrayîşê Azadîye yê Kurdîstanî ra teber, ne rayberê herême û ne zî hêzanê mîyanneteweyan berpirsîyarîya xo nêard ca, şarê êzidî tena verda û heta nika aqûbetê nêzdîyê 2 hezar û 700 cinî û gedeyanê êzidî nêno zanayîş. TJK-E vat ke heta ke edalet nêro caardene, sucdarî mehkemeyanê mîyanneteweyan de nêrê cezakerdene û aqûbetê vîndîbîyayan nêro eşkerakerdene, birînê Şengalî nêpadîyenê; sewbîna îfade kerd ke xoverdayîşê cinîyan û şaran do dewam bikero û seba raştî, edalet û azadîye têkoşîn bidomîyo.
Badê eşkerayî, TJK-E serrgêra Fermanê Şengalî de teqwîmê çalakîyanê xo ke do Ewropa de bibê, eşkera kerd.
Teqwîmê çalakîyan wina yo:
1.08.2026: Vîyana, Vîrardiş/Mojnayîşê Fîlmî, Saete: 18:00, Ca: Mala Zerim, Goldschlagstr. 99
2.08.2026: Chur, Mojnayişê Sînevîzyonî, Saete: 14:00, Ca: Kulturpark, Planaterasse. 11
Zurîh, Mojnayîşê Fîlmî, Saete: 15:00, Ca: Komel, Steinwiesenstr. 1
Hamburg, Vîradiş, Saete: ST. Stadîumê Paulî, Budapesterstr.
3.08.2026: Luzern, Vîrardiş, Saete: 14:00, Ca: Pauluskirche, Moosmattstr.2
Bern,Vîrardiş, Saete: 15:00, Ca: Komel
Parîs, Eşkerayîya Çapemenîye, Saete: 19:00, Ca: Gare Villiers Ke Bele
Drancy, Vîrardiş, Saete: 17:00, Ca: KOMEL
Marsîlya, Vîrardiş, Saete: 10:30, Ca: Viex-Port
Wesel, Vîrardiş, Saete: 11:00, Ca: Ackerstr.242
Stuttgart, Vîrardiş, Saete: 17:30, Ca: Schlossplatz
Liege, Vîrardiş/Mîtîng, Saete: 17:00, Ca: Gare Guillemins
