Rêxistina Heqanê Merdiman ê Dîdebanî eşkera kerd ke mîyanê aşmêk de tewr tay 26 cinî herêmanê cîyayan ê Rojhelatê Kurdîstan û Îranî de ameyê qetilkerdene.
Rêxistina Heqanê Merdiman a Dîdebanî ke taybetî babetanê girêdayeyê cinîyan ser o xebitîyena, bîlançoyê cinîyan ê mîyanê aşmêk de Rojhelatê Kurdîstan û Îranî de ameyê qetilkerdene, vila kerd.
Ame eşkerakerdene ke mîyanê aşma peyêne de tewr tay 26 cinî herêmanê cîyayan ê Rojhelatê Kurdîstan û Îranî de ameyê qetilkerdene.
Raporî de ame dîyarkerdene ke zafaneyê cinîyan, hetê mêrdeyanê xo ra, mêrdeyê xo yê verênî ra, waştî, gede, merdim, hemmeslekî ra yan zî meqsedê dizdîye ra ameyê qetilkerdene. Sewbîna hîrê cinî ke înan ra yew 16 serrî bî, întîharî ver ameya definkerdiş.
Rêxistina Heqanê Merdiman ê Dîdebanî da zanayene ke beşêk nê dosyayan ra sebebanê sey ‘vera vejîyayîşê veradîyayîşî’, ‘namûsî’, ‘redkerdişê waştişê zewicîyayîşî’, yan zî ‘dizdîye’ ameyê qeydkerdiş.
