Serekê Meclîsî Numan Kurtulmuşî dîyar kerd ke viraştişê qanûnî de ver bi peynî ameyê û qanûn do nêbo efûyê pêoyî û badê tespîtê fesihkerdişî do bikewo pratîk.
Serekê Meclîsî Numan Kurtulmuşî merasimê madalyaya Înebolîyî de Meclîs de qisey kerd. Numan Kurtulmuşî derheqê prosesê Aştî û Komelê Demokratîkî û qanûnê çarçewa de dîyar kerd ke ê viraştişê qanûnî de resayê asta peyîne û qanûn do nêbo efûyê pêroyî û badê tespîtê fesîhkerdişî do bikewo pratîk.
Numan Kurtlulmuşî ard ziwan ke badê qanûnî do êdî pêkewtiş nêvejîyo, welat bireso aramî û wina vat: “Ma hêvî kenê ke serê pêkerdişê partîyanê ma, ma do bi mutabakatêk prosesê qanûnî pîya bi ca bîyarê. Bi nê qanûnî berêko newe do bêro akerdene û do cîyakarî nêba.”
