Partîya Herêman a Demokratîke serrgêra 5. yê qetilkerdişê keyeyê Dedeogullariyan ê ke qezaya Meramî ya Qonya de bîbî mesajêk pare kerd û wina vat: “No qetlîyam cîya nîyo, netîceya polîtîkayanê nîjadperestan ê sîstematîkan, zirxê bêcezayîye û polarîzasyonê komelkî ya.”
Mesajê Partîya Herêman a Demokratîke (DBP) wina yo:
“Qezaya Meramî ya Qonya de Keyeyê Dedeogullarîyan ra qetilkerdişê 7 kesan sero 5 serrî derbas bîyî. Qetlîyamê Dedeogullariyan, netîceyanê gonînan ê nîjadperestîya sîstematîk a vera kurdan, polîtîkaya bacî û polîtîkayanê bêcezayîye ra yew o.
Heta ke mesuldarî nêrê peydakerdene, heta ke îklîmo sîyasî yo ke bacî weyî keno reyde nêro têrî, edalet nêno caardene.
No qetlîyam cîya nîyo, netîceya polîtîkayanê nîjadperestan ê sîstematîkan, zirxê bêcezayîye û polarîzasyonê komelkî ya. Ma do vera nîjadperestîye, cîyakerîye, polîtîkayanê ke şarî yewbînî rê dişmen kenê têkoşînê xo bidomnê; hemwelatîya têduşte, demokrasî û têkoşînê aştî yê rûmetdarî ra qetî fek vera medê. Ma yewna endamanê keyeyê Dedeogullariyan ê ke ameyî qirkerdene, bi rêzdarî anê xo vîrî.”
