Îranî, dewayanê cîyayan ra bi pêroyê 10 serrî û rojêk cezaya hepsî daye Hadîse Morvarîdî û Merzîye Meşhedî ke çalakîyanê aşma çeleyê 2026î de ameybî destbendkerdiş.
Mehkemaya Rejîmê Îranî her roje cezayanê hepsî daye kesanê ke çalakîyanê aşma çeleyê 2026î de ameyî girewtiş.
Hedîse Morvarîdî û Merzîye Meşhedî ke Hepisxaneyê Vekîlabadî yê Meşhedî de yenê girewtiş, dewayanê cîyayan ra 10 serrî û rojêk cezaya hepsî înan rê ameye birnayîş.
Hedîse Morvarîdî ya 24 serrî rîyê sucê ‘heqaretê vera rayberî’ 2 serrî û rîyê sucê ‘propagandaya vera rejîmî’ serrêk cezaya hepsî, pêro pîya 3 serrî cezaya hepsî aye rê ameye dayîş ameye kerdiş. Hedîse Morvarîdî 7ê çeleyê 2026î de şaristanê Farîmanî de ameye girewtiş û nê demê peyênî de sewqê qawîşa hûmara 1î ya girewtegeha Vekilabadî ameye kerdiş.
7 serrî cezaya hepsî aye rê ame dayîş
Merzîye Meşhedî zî rîyê sucê ‘têkilîya sazgehanê medya yê girêdayeyê Îsraîlî’ 7 serrî û rojêk cezaya hepsî ay rê ameye dayîş. Ame zanayene ke Merzîye Meşhedî eynê wextî de, bi îdiaya çalakîyanê aşma çeleyî û têkilîya sazgehanê medya yê bi ziwanê Farsî ke teberê welatî de xebitîyenê, ameye destbendkerdiş, dima sewqê qawîşê Hûmara 1î yê Hepisxaneyê Vekîlabadî ameye kerdiş.
Îran de çalakîyê aşma çeleyê 2026î, 28ê kanûne 2025î de bi grev û çalakîyanê bazirgan û karkeranê bazarî yê Tehranî dest pêkerd. Dima şaristananê cîyayan ra vila bîyê û bi tewrbîyayîşê grûbanê komelkî yê cîyayan, bi çalakîyanê tewr pîl ê serranê peyênan ra yew.
