DYA’yî vera Îranî hêrişê neweyî kerdî û CENTCOMî îdia kerd ke “hêrişê Îranî vera keştîyanê bazirganî yê Neqebê Hurmuzî de qels kerdê.”
Fermandarîya Merkezî ya Hêzanê Çekdar ê DYA (CENTCOM) eşkera kerd ke pêlê neweyî yê operasyonanê leşkerî vera Îranî dest pêkerdo. CENTCOMî vat amancê înan o yo ke “Hêzê leşkerî yê Tehranî ke serê hêrişê keştîyanê bazirganî yê Neqebê Hurmuzî de bikar ano bêro qelskerdene.” Goreyê eşkerayî ra opersyon 90 deqîqe dewam kerdo.
Medyaya Îranî zî eşkera kerd ke nê pêlê peyînî yê pêkewtişanê mabênê her di welatan de xeylê cayê şaristanê Bûşehre bîyê amanc û di netîceyan de merg û birîndarî est ê.
Eşkerayîya 2. a CENTCOMî
CENTCOMî eşkerayîya xo ya 2. de dîyar kerd ke pêlê hêrişan qedîyayo. Goreyê eşkerayîye ra cebilxaneyê hesas ahengî, sîstemê pawitişê qeraxî û depoyê fuzeyanê seyirkerdişî û cayê eştişê înan Girawa Tunba Girde hêrişî ameyê kerdene.
CENTCOMî eşkerayîya xo de reyna îdia kerd ke înan hêrişê Îranî ya vera keştîyanê bazirganî yê Neqebê Hurmuzî de hîna zêde qels kerdo.
