Seba gandarkerdişê xatiraya Gurbetellî Ersoz ke cinîya yewin a ke Tirkîya de sey Mudira Pêroyî ya Weşanî xebitîyaya û seba rêzgirewtişê cinîyê kedkar ê çapemenîye ke cuya xo ra bîyî, Muracatanê Xelatanê Rojnamegerîya Cinîyan ê Gurbetellî Ersoz 8ê hezîrane de dest pêkerdbi, do heta 25ê êlule bêrê qebulkerdiş.
Muracatanê Xelatanê Rojnamegerîya Cinîyan ê Gurbetellî Ersoz ke emser reya dîyine ke hetê Komeleya Rojnamegeran a Cinîyan a Mezopotamya (MKG) ra yenê organîzekerdiş, dewam kenê. Muracatî do hetanî 25ê êlule bêrê qebulkerdiş. Nameyê rojnamegeranê ke xelate bigêrê û eserê înan do 6ê teşrîna verêne de bêrê eşkerakerdiş, xelatî zî do 8ê teşrîna verêne de bi merasîmêk bêrê dayîş.
