Baxçeyanê Hewselî ke Lîsteya Pawitişê Kulturî ya Dinya ê UNESCO’yî de yo, de şewat vejîya. Adir cayê pûş û prêzeyên ra dorûverî kewt û semedê vayê zêdeyî ra şewat her ke şino vila beno.
Qezaya Sûrî ya Amedî de, Baxçeyanê Hewselî yo tarîxî de, ewro saetanê nêmrojî de verê sebebêko nedîyar ra adir bi pûş û prêzeyan kewt. Adir wextêko kilm de vila bî, tesîrê vayî ra kontrol ra vejîya. Dûyo sîya ke bexçeyî ra berz beno, dûrî ra yeno vînayîş. Adir ver bi warê birr û baxçeyan vila beno.
No şewato ke vejîyo, ekosîstemê Hevselî zî tehdît keno. Vilabîyayîşê adirê cuya seyan tewirê ganîyan ê ke na herême de cuyenê ser o tehlukeyêka girde virazeno.
Ekîbê îtfaîye ê Şaredarîya Şaristanê Girdî ya Amedî resa cayê şewatî û mudaxale kerd û şewat girewt binê kontrolî.
