Keyeyê çalakîkera heqê karkeran Şerîfe Mihemedî binê şert û mercanê giran de yo û dayîka ci nêweşxane de ya; rixmê nê, dimayê qedîyayîşê betlaneyê aye, a reyna neqlê Hepisxaneyê Reşt Lakanî ameye kerdene.
Kampanyaya Pawitişê Şerîfe Mihemedî da zanayene ke betlaneyê çalakîkera karkeran nêameyo dergkerdene û dimayê nêzdîyê hîrê aşmanê betlaneyî, ewro semedê Hepisxaneyê Reşt Lakanî ameya neqlkerdiş.
Goreyê raporî, agêrayîşê Şerîfe Mihemedî yê hepisxaneyî demêko de pê ame ke dayîka ci hewteyo vîyarte rîyê stresêko giran û problemê qelbî ra nêweşxane de bîye. Kampanya vana ke nê çîyî endîşeyê serê şert û mercanê ke keyeyê ci tîya de ciwîyeno, hîna zêde kerdo.
No betlane semedê Şerîfe Mihemedî fersendo yewin bi ke dimayê zêdeyêrê di serran o zindan de mêrde û domanê xo reyde biba; labelê dimayê qedîyayîşê nê betlaneyî, a newe ra keyeyê xo ra ameya cîyakerdiş û agêraye hepisxane.
Kampanyaya Pawitişê Şerîfe Mihemedî waştişê veradayîşê ci yê bêşert û merc kerd. Kampanya îfade kerd ke ganî çalakîya sendîkayan û waştişê karkeran bi tedaya mehkema û girewtişî nêrê cewabdayene.
