Şaredarîya Amedî ya Şaristanê Girdî, çarçewaya aşma Muharremî de bi munasebetê Roja Aşûreyî do 7ê temmuze roja sêşemeyî saete 19.30î de Meydanê Bajarî, Meydanê Berê Koyî û Parka Koşuyolu de hemwelatîyan rê loqmeyê aşûreyî îkram bikero.
Şaredarîya Amedî ya Şaristanê Girdî, çarçewaya aşma Muharremî de bi munasebetê Roja Aşûreyî hîrê cayanê cîya-cîyayan ra loqmeyê aşûreyî do vila bikero. Çalakîya ke hetê Serekîya Daîreya Xizmetanê Sosyalan ra çarçewaya Roja Aşûreyî de ke sey sembolê parekerdiş, piştîpêdayîş, wayûbirayî û aştîye yena dîyene, do bêro organîzekerdene, hemwelatîyan rê do loqmeyê aşûreyî pare bikerê.
Do hîrê cayanê cîya-cîyayan ra bêro vilakerdene
Goreyê bernameyî çalakî, do 7ê temmuze roja sêşemeyî saete 19.30î de eynî wextî de hîrê cayan ra bêro bicaardene.
Loqmeyê aşûreyî, Meydanê Bajarî de bi hemkarîya Komela Kulturî ya Pîr Sultan Abdalî, Meydanê Berê Koyî de û Parka Koşuyolu de do hemwelatîyan rê bêro îkramkerdene.
Seba heme hemwelatîyan vengdayîş
Şaredarîya Şaristanê Girdî, bi vengdayîşê “Bêrê canêne, ma bibê yew, wa aşûreyê ma bibo aştî” heme hemwelatîyî dawet kerdî ke loqmeyê aşûreyî pare bikerê.
