Konferansê Huqûqnasanê Kurdan ê Demokratîk ke bi şîarê ‘Seba Azadî, Statu û Aştîye Huqûqo Demokratîk’ Salona Konferansî ya Çand Amedî de amebi destpêkerdene, roja xo ya dîyine de dewam keno.
Konferans do ewro bi eşkerakerdişê deklarasyonê netîceyî biqedîyo. Konferansê Huqûqnasanê Kurdan ê Demokratîk ke vizêr bi şiarê ‘Seba Azadî, Statu û Aştîye Huqûqê Demokratîk’ Salona Konferansî ya Çand Amedî ya Şaredarîya Amedî ya Şaristanê Girdî de dest pê kerdbi, ewro roja xo ya dîyine de dewam keno.
Konferanso ke bi tewrbiyayîşê xeylê delegeyan, serekê baroyan, akademîsyen û temsîlkarê sazgehanê huqûqî yê Vakurê Kurdîstanî û Tirkîya virazîyeno, do ewro serê babetanê ‘Aştî û Yewbîyayîşê Neteweyî’, ‘Huqûqê Cinîyan û Komelê Demokratîkî’, ‘Rayberîya Herêmî yê Demokratîk û Cugehpawitiş’, ‘Rayberîyê Herêmî yê Demokratîk’ munaqeşeyî bêrê rayra berdene. Konferansê Huqûqnasanê Kurdan ê Demokratîk badê munaqeşe û erjnayîşanê hîrayan ke do heta şan dewam bikero, bi eşkerakerdişê deklarasyonê netîceyî do biqedîyo.
