KJARî Zîlan (Zeynep Kinaci) û Zîlan Pepûle bi hurmet yad kerdî û eşkera kerd ke dimayê şehadetê Zîlan bi seyan, bi hezaran Zîlanî ameyî afirnayene, xeta têkoşîn û fikrî dewam kerda.
Komela Cinîyanê Azadan a Rojhelatê Kurdîstanî (KJAR) bi wesîleyê serrgêra şehadetê Zîlan (Zeynep Kinaci) ya 30. eşkerayîyêk weşanaye.
Destpêkê eşkerayî de ame wina ame vatene: “Pêro têkoşînanê têgêrayîşê azadîwazî de, zafê cinî û camêrdan bi têkoşîn û îradeyê xo yê bêhempa şert û mercanê tewr giranan de xover dayo û canê xo rayîrê azadîya cinîyan de feda kerdo ke eynî wextî de awankerdişê komelêko demokratîk o. Xeylê cinîyan vera netewe-dewlete serewedarnayo ke bingeyê zîhnîyetê camêrdê îqtîdarî de ameyo viraştene. Çalakîya şorişgirî ya Heval Zîlan (Zeynep Kinaci) ke nimûneyêkê nê xoverdayîşî ya, merdim nêeşkeno tena bi çalakîyêka sînordar pênase bikero, a çalakî bi îdeolojîyêka xorîn û bawerîyêka pîle ya sosyalîzmî ameya kerdene.”
KJARî dîyar kerd ke dimayê şehadetê Zîlan bi seyan, bi hezaran Zîlanî ameyî afirnayene, xeta têkoşîn û fikrî dewam kerdo û vat: “Zafê çalakîyê bînî zî dimayê çalakîya qehremanî ya Heval Zîlan ameyê viraştene.”
Eşkerayî bi nê hawayî dewam kerd: “Heval Letîfe Selamet bi nasnameyê Zîlan Pepûle, ê embazanê cinîyan ra yew a ke îlhamê xo manîfestoyê azadîye yê heval Zeynep Kinaci ra girewto û name û rayîrê aye seba xo kerdo pîvan. Heval Zîlan Pepûle ya ke bi ruhê Apoyî tewrê refanê gerîlayî bîbî, Merîwan de dimayê xoverdayîşêko pîl ê vera dama rejîmê Komara Îslamî bi qehremanî şehîd kewtû sey heval Zeynep Kinaci û xeylê embazanê têkoşeran ê xeta Apoyî, qet serê xo vernîya rejîmanê dîktatoran nêtewna. Zîlan Pepûle bi fedakarî û ruhê xo yê xoverdayox, canê xo feda kerd ke reyna ruhê cuya komunale gandar na herre ser o gandar bikera ke exlaq û têduştîye ser o yo.”
KJARî dîyar kerd ke cinîyê şorişgirî sey Zîlanan, bi eşq û heskerdiş resayîşê xeta Rayber Apoyî sey amancê xo dîyar kerdo û nê rayîrî de bi cesaretêko pîl canê xo feda kenî.
Eşkerayî de ame vatene ke çîyo ke Zîlan Pepûle Merîwan de kerdbi eslê xo de weşkerdişê rayîrê zehmet ê têkoşînî seba cinîyan bi û ame vatene: “Zîlan Pepûle mîyanê serran de muhîmîyêka pîle daybî perwerdekerdiş û haydarkerdişê cinîyan û na bawerîye de bîye ke heta ke cinî komelêk de azad nêbê, qet yew komel û milet nêreseno azadîye. Aye Merîwan de xebatanê xo bi rêxistinbîyayîşê cinîyan ra bigîre heta dewan û şaristanan hîra kerdêne, bi nê hawayî ke xebatanê aye xeylê cinîyan ser o tesîr kerd.”
Eşkerayîya KJAR’î bi nê vatişan qedîyaye: “Ma sey Komela Cinîyanê Azadan a Rojhelatê Kurdîstanî (KJAR), demêkî de ke vîrameyîşanê Zeynep Kinaci û Zîlan Pepûle bi hurmet anê xo vîr, ma dîyar kenê ke rêxistinbîyayîşê cinîyan nê demê tarîxî de wayîrê muhîmîyêka taybet o. KJAR bi zanayîşê muhîmîya nê prensîbî, bi serran o ke bi rayîrê Akademîya Şehîd Zîlan Pepûle seba haydarkerdiş û rêxistinbîyayîşê cinîyan xebitîyena. Encamî de ma reyna dîyar kenî ke ma sey cinîyan, bi yewvengî û bi bicaardişê xebatanê hemparan û xoverdayîşê komî, eşkenî waştîş û miradanê ê kesan biresnê serkewtişî ke ke rayîrê azadîye de canê xo feda kerdo.”
