Venezuel de, vizêrî di erdlerzê girdî virazîyabi û goreyê çimeyan netîceyê nê erdlerzan de heta nika 235 kesan cuya xo dest da. Sewbîna zî zêdeyê 4 hezar û 300 kesî zî birîndar bîyî û goreyê texmînan zêdeyê 200 kesî zî heman binê xirbeyan de yê.
Vizêrî Venezuela de bi girdîya 7.5 û 7.2, di erdlerzê girdê, mabenê 35 sanîyan de virazîyabi. Netîceyê erdlerzan de xeylî herêman de keyeyê rijîyayî û xeylî bînayan zî xesar dîyî.
Vizêrî şandî, Serekê Meclîsê Mîyanneteweyî ê Venezuela Jorge Rodriguez eşkera kerd ke hûmarê qurbanîyan 188 kesê, 1500 kesî birîndar bîyî û 200 kes zî binê xirbeyan de vîndîbîyayeyê. Labelê ewro Wezaretê Weşîye bîlanço newe ra vila kerd û eşkera kerd ke hûmara merdeyan resaya 235 kesan, hûmara birîndaran zî 4 hezar û 300 kesan ra derbas bîyî.
Goreyê agahîyanê peyînan, grûbê xelesnayîşî dîyar kerd ke hema zî zêdeyî 200 kesî binê keyeyanê rijnayeyan de yê û xebatê cigêrayîşê dewam kenê.
Skynews: 20 hezar kesî vîndîbîyaye yê
Goreyê xeberanê ke kanalê Skynewsî vila kerd, vizêrî şandî ra heta nika nameyê nêzdî 20 hezar kesan sey vîndîbîyayeyê ameyê qeydkerdene û keyeyê înan agahîyêk inan ra nêgirewto.
