Paytextê Misirî Qahîre de bi tewrbîyayîşê şexsîyetanê namdaran, roşnvîran, akademîsyenan û pisporê medya, Merkezê Jinelojî ê Fikr û Cigêrayîşî ame akerdene.
Paytextê Misirî Qahîre de, Merkezê Jinelojî seba Fikr, Cigêrayîş û Şêwirmendîye bi tewrbîyayîşê roşnvîr, akademîsyen, pisporê medya û temsîlkarê komelo sîvîlî ê Misirî û xeylî welatijê erebî ame akerdene.
Bi tewrê şexsîyet û temsîlkaranê Filîstîn, Sûdan, Yemen, Sûrîye û Îraqî rê eşkera bi ke merkez tena Misirî ra sînordar nîyo. Sewbîna ame dîyarkerdene ke amanc o yo ke merkez bibo warêko hempar ê zanayîş û cigêrayîşê seba cigêrayoxan û sazgehanê herême.
Akerdişî de xeylî şexsîyetê namdarî beşdar bîyî. Mîyanê înan de Dr. Mona El-Hadîdî, Dr. Sozan El-Qalînî, Dr. Azza El-Fatihî, Profesor Amal Al-Axa, Kerîma El-Hefnawî, Elhamî El-Melîgî, Dr. Salwa Absam, Profesor Mona Şemmax û Profesor Mona Neşat bîbî. Sewbîna xeylî cigêrayoxî, pisporê medya û çalakîkerê kulturî zî hedre bî.
Merkezê Jinelojîye seba fikr, cigêrayîş û şêwirmendîye hewl dana ke paştî bido, cigêrayîşanê zanistî û raporanê pisporan hedre bikero, konferans, semîner û programê perwerdeyî organîze bikero. Sewbîna, merkez wazeno ke dîyaloganê kulturî û roşnvîrî aver bero, paştî bido averşîyayîşan û hêzdarkerdişê cinîyan û mabênê welatanê ereban de têkîlîya hemkarî xurt bikero.
