Çarçewaya “Pêvînayîşanê Peyasî yê 1.” de ke 26 taxe û dewanê merkezî de bi tewrbîyayîşê hîrayî yenê organîzekerdene, na rey şarê dewa Karayakûbî mêmandarîya pêvînayîşî kerd.
Pêvînayîşê Peyasî yê 1. ke hetê Şaredarîya Peyasî ya Amedî ra ameyê destpêkerdene bi heme hêzê xo dewam keno. Pêvînayîşî ke 26 taxe û dewanê merkezî de bi tewrbîyayîşê hîrayî yenê organîzekerdene, na rey şarê dewa Karayakûbi mêmandarîya pêvînayîşî kerd.
Pêvînayîşî de Hetkarê Hemşaredaranê Peyasî û endamê Meclîsê Şarî zî amade bîyî. Semedê domanan rîboyaxkerdiş, fealîyetê spor û kayan, seba cinîyan atolyeyê taybetî, kontrolê weşîya pêroyî û semedê astengdar, kal û pîran zî xizmetê ciewnîyayîşê şexsî ameyî pêşkêşkerdene. Bi nê qaydeyî xizmetî resayî kesan û şarê dewe.
Hedefê sereke yê nê pêvînayîşan o yo ke ca de şarî reyde rî bi rî bê, waştiş û pêşnîyaranê înan goşdarî bikerê, yewbîyayîşî xurt bikerê, cuya hemparr aver berê û kulturê çareserkerdişê probleman pîya pîl bikerê.
Pêvînayîşê Peyasî yê 1. do demê hamnanî de taxe û dewanê bînan ê Peyasî de dewam bikerê.
