Grûbêka bînê ya koçberanê Efrînî destê şefeqî de herêma Cizîre ra ver bi warê xo kewtê rayîr.
Efrînijê ke 9 serrî yo vera îşxalê hêzanê paramîlîter yê girêdayê Tirkîya koçber bîyê û şaristanê Qamişlo û Amûde bi ca bîbî, qefle bi qefle agêrenê ca û warê xo. Badê ke mabênê HSD û hukmatê demkî yê Sûrîya de peymana 29ê çele ame îmza kerdene ra heta nika 5 qefleyî agêrayê Efrîn. Amadekarîya agêrayîşê Grûba 6. no demêko dewam kerdêne. Badê ke Grûba 6. amadekarî xo temam kerdî vizêrî Stadyûmê Şehîdanê 12ê Adare yê şaristanê Qamişlo de ameyê pêser.
Koçberê Efrînî ewro destê şefeqî de sey karwanêke verê xo da Fetiloka Yusuf Gulo û uca ra kewtê rayîr. Goreyê agahîyan grûbêka bînê zî hezaran kesî ra pê yena, seba agêrayîşî xo amade kenê.
