Waştena torna Sey Rizayî Zelîha Polata ke no zimistanî şîbî heqîya xo û Elezîz de amebî wedartene ewro ameyê ca. Eqrebe û heskerdeyanê aye ewro ya Elezîz ra girewte berde dewa kalikê aye Axdad.
Torna Sey Rizayî Zelîha Polata ke 17ê Çileya 2026î de şîbî heqîya xo. Hîna ke weşebîye, vat bî “Ez ke merda mi berê hardê kalikê mi Sey Rizayî de wedarê. Seba ke ke zimistan bî şaristanê Elezîzî de amebî wedartene. Ewro cinazayê Elezîz ra ame girewtene û birîya dewa Sey Rizayî Axdade û bi lorikanê cinîyan derê hardê dewrêşî bîye.
‘Dewa xo û raya xo ra durî nêkewte’
Zelîha Polate 88 serrî emrê xo de timî timî waşt ke cayê mezela kalikê aye Sey Riza û embazanê ey bêro eşkerakerdene. No miradê aye nîyame ca. Seba aştîye û rindîye ser welate xo de Vilike nê kerde ra. Nêweşî û kalbîyayene nêeşkîyayî aye dewa xo ra durî bikerê. Xover da ke terba şarê xo raya pîr û kalikanê xo biramo. Dewa xo Axdade de xo rê bonî viraştî, weşîya xo dewa xo de ramitêne.
‘Pê lorikanê kirmanckîye ameyê rastkerdene’
Sarê Dêrsimî ewro hem mezela Zelîha Polate berde Axdad hem zî Zelîha û kalikê Zelîha Sey Rizayî pîya yad kerdî. Cînîyanê Dêrsimijan û eqrebeyanê Zelîha Polate ya bi lorikanê kirmanckîye dê destê hardê dewrêşî.
