Waştena torna Sey Rizayî Zelîha Polata ke no zimistanî şîbî heqîya xo û Elezîz de amebî wedartene ewro yena ca. Eqrebeyê aye ewro aye benê dewa Axdadî û hardê kalikê aye Sey Rizayî de danê hardê dewrêşî.
Torna Sey Rizayî Zelîha Polata ke 17ê Çileya 2026î de şîbî heqîya xo. Hîna ke weşebîye, vat bî “Ez ke merda mi berê dewa kalikê mi Sey Rizayî de wedarê. Seba ke zimistan bî şaristanê Elezîzî de amebî wedartene. Ewro cinazayê aye benê dewa Axdade hardê kalikê aye de danê hardê dewrêşî.
‘Na welat cayê de bê kefen o’
Zelîha Polate 88 serrî emrê xo de timî timî waşt ke cayê mezela kalikê aye Sey Riza û embazanê ey bêro eşkerakerdene. No miradê aye nîyame ca. Seba aştîye û rindîye ser welate xo de Vilike nê kerde ra. Nêweşî û kalbîyayene nêeşkîyayî aye dewa xo ra durî bikerê. Xover da ke terba şarê xo raya pîr û kalikanê xo biramo. Dewa xo Axdadî de xo rê bonî viraştî, weşîya xo dewa xo de ramitêne.
‘Cayê înan cayê de gul û sosinan bo’
Sarê Dêrsimî ewro hem mezela Zelîha Polate benê Axdad hem zî Zelîha û kalikê Zelîha Sey Rizayî pîya yad kenê. Vazenê ke, roştîya bimbareke endî serê înan û şarê Dêrsimî de kemî mêbo.
