Şaredarîya Amedî ya Şaristanê Girdî, seba ke cinîyî warê pêroyî de hîna zêde bêrê vînayene, hîna ewle bê û berardişî de wayîrê vatişî bibê, Taxa Bagcilar de Parka Kardeşlîkî de tesîsêko sosyal o newe akeno. Nê tesîsî do cinîyî bi xo îdareyê ci bikerê ê do seba înan bibo warê cuyêka azade.
Şaredarîya Amedî ya Şaristanê Girdî, Tesîsê Sosyalî yê Fîskaya ke Yenîşehîr de yo, ey rapey, tesîso dîyin qezaya Rezan de amade kena. Bi nê tesîsî hem tewrbîyayîşê cinîyan ê cuye yê warê ekonomîkî de yeno destekkerdene hem zî heqê înan ê komelkîbîyayîşê û berardişî yeno xurtkerdene. Tesîsî de atolyeyî, warê berardişî yê hemparî û fealîyetê kulturî do bibê.
No tesîs do bieşko rojane 500 kesan xo de bihewîno
Goreyê polîtîkayanê sosyalî yê Şaredarîya Amedî, amanc o yo ke hîna zêde tesîsî bêrê akerdene. Bi serran o warê komelkî seba cinîyan ameyo tengkerdene û ê êdî wazenê nê waran seba feydeyê cinîyan, ciwanan û heme şarî reyna hîra bikerê. Plan ameyo kerdene ke no tesîs rojane 500 kesan xo de bihewîno.
