MYK’yê DEM Partî bi munasebetê serrgêra 111. ê qirkerdişê Armenîyan eşkerayî da û vat: “Lêborînwaştena şaran û bawerîyanê mexdûr, bi caardişê edaletî û rîbirîbîyayîşê sucanê merdîmîye, metodê ke muhîmê yê seba awankerdişê ameyoxêk hempar û aştîya komelî.”
Heyetê Rayberdişê Merkezî (MYK) yê DEM partî bi munasebetê 24ê nîsane serrgêra 111.ê qirkerdişê vera Armenîyan eşkerayîyêka nuştekî weşana. Eşkerayî de ame vatene ke seba piştişê birînan, rîameyîşê rastîkenan ê tarîxî muhîmîyêka bingeyin a û wina ame vatene: “Lêborînwaştena şaran û bawerîyanê mexdûr, bi caardişê edaletî û rîbirîbîyayîşê sucanê merdimîye, metodê ke muhîmê yê seba awankerdişê ameyoxêk hempar, têduştî û aştîya komelî.”
‘Tu netewe yê bînî ra berzêr nîya
Eşkerayî de ame vatene ke çinhesabnayîşê netew, kultur û bawerîyanê cîya xeletîyêk tarîxîya û wina ame vatene: “Rastîya unîversale ke tu nasnameyêk etnîkî, ziman, kultur yan bawerî serê na herre de yê bînan ra berzêr nîya. Heme têduştê û azadê û ganî hetê sîyasî ra zî bêrê qebûlkerdene. Averbedişê têkilîyanê dîplomatîk, bazirganî, ekonomî û kulturî Armenîstanî reyde, ke beşêke herêma ma ra yo, hem menfîetê şaran û hem zî hewcedarîya înan de yo û hem zî rayîrêk seba awankerdişê aştî yê Qafkasya yo. Bi nê hîs û fikran, sey şaranê kevnar yê Anatolîya û Mezopotamya, ma reyna zî êş û şînê 111 serran ê şarê armenî û şaranê bînan bi hurmet vîr anê. Ma na trajedîya girde ê merdimîye
