Cipersayîşê Gulîstan Doku de 13 kesê gumanbarî ke 13 nîsane de amebî destbendkerdene înan ra 6 kesî bînî zî ameyê girewtene.
Derheqê cipersayîşê Gulîstan Doku de kesê gumanbarî ke vêzîrî îfadeyê înan amebî girewtene înan ra Celal Altaş, Nurşen Arikan, Ferhat Guven, Cemile Yucer, Engin Yucer û Zainal Abakarov tewqîf bîyî; gumandar Ugurcan Açikgoz zî bi şertê kontrolê edlî û qedexeyê vejîyayîşê teberê welatî sewqê mehkemeye bi. Bê Engîn Yucerî 5 kesê bînî erşawitê hepîsxane.
Kesê ke tewqîf bîyî, wexta edlîye ra ameyê vetiş, verê edlîye de rastê hêrîşî grubêke ameyê. Polîsan destûr nêda ke grûbe hêrişî faîlan bikerê. Grûbe faîlan ra vat: “Tuncay Sonel do şima bixelesno? Şima heme do hesab bidê, şima qatilê.” û reaksîyon da mojnayene.
Îfadeyê faîlanê bînan ê ke mehkeme de yê hema zî dewam kena.
