Îstanbul de yew hakimî zerê yew aşme de 13 rojnamegerî girotî û ruşnayî hepis.
Îstanbul de vera Çapemenîya Azade teda û operasyonî kemî nêbenê. Zerê yew aşme de 13 rojnamegerî ameyi hepiskerdiş. Bale ante ke 13 rojnamegerî zi hêlê yew hakimî de ameyê hepiskerdiş.
Merkezê xo Îstanbul ser taqîkato ke 17ê çileye de sereştişê keyeyan de rojnamegerî Necla Demîr, Rahîme Karvar, Ahmet Guneş, Welat Ekîn, Vedat Oruç û Reyhan Hacogluye ameybî destbendkerdiş û dozgerî vizêrî ruşnabî maqamê hakimtîye. Hakimê Cezaya Silahîye derheqê 6 rojnamegeren de bi îdeaya “Endamtîya rêxistinîye” ser ruşnayî hepis.
Aşmê nayera ver (20ê qanûne) zî seba rojnameger Nazim Daştan û rojnameger Cîhan Bîlgînê yê ke bi tîyareyanê Tirkîya ameybî kiştene protestoyê kiştena rojnamegeran de 7 rojnamegerî ameybî girotiş û rêna hêlê nî hakimî de ameybî hepiskerdiş.
Goreyê vatena avûkatê rojnamegeran Şukru Alpsoyo ke endamê OHD’î “Nêtê Hakimî verdera kifş bî. Rojnamegeren ra tewr persî bîle pers nêkerdî. Qerarê xo verdera dabî ci.”
