Platformê Ked û Demokrasî yê Dêrsime, vilawekê Newroze vila kerdî û vengdayîşê tewrbîyayîşê şarî kerd.
Platformê Ked û Demokrasî yê Dêrsimî, seba pîrozbayîyê Newroze ya ewro (17-03-2026) bi şîarê “Newroza Azadî û Yewîya Demokratîk“ pê yeno, zîyaretê esnafan kerd. Platformî kuçeyan de vilawekê derheqê Newroze de vilakerdî û zîyaretê dikanan kerd. Endamanê Platformê vîr vist ke do siba Kuçeyê Hunerî ra ver bi Meydanê Seyîd Rizayî rayîrşîyayîş bêro viraştene û dima ra zî Newroz bêro pîrozkerdene. Endamanê Platformî şarî ra waşt ke tewrê rayîrşîyayîşî û pîrozbayîye bibê.
Serekwekîla Grûba DEM Partî Gulistan Kiliç Koçyîgît do sey qiseykerdoxe tewrê pîrozbayîye bena. Hunermendî Beser Şahîn û Sîya Şevê zî do sehne bigîrê.
