Seba Kedkarê Çapemenîya Azade Osman Kiliç do MKKDyê Den Haag de merasim bêro kerdene.
Osman Kiliç ke di serrî yok tedawîya kanserî dîyêne, dima ke rewşa ey giran bîye sewqê klînîkêkê şaristanê Tiel ê Hollandayî ame kerdene û uca de şi heqîya xo. Seba Rojnameger Osman Kiliçî do merasimê oxirkerdişî yo girseyî bêro kerdene. Merasimê oxirkerdişê Kedkarê Çapemenîya Azade Osman Kiliçî do Den Haag de Merkezê Komelê Kurd ê Demokratîk (MKKD) de bêro kerdene. Yeno pawitene ke keyeyê ey, embazê ey û xeylê kesî beşdarê merasimî bibê.
Ame dîyarkerdene ke merasimê oxirkerdişî do MKKDyo de ke adresê 23. yê Radarstraat de 13ê adare roja îne saete 11:00î de bêro kerdene. Ame vatene ke do merasimî ra pey cenazaya Kiliçî seba welatê ey bêra erşawitene.
