Şaxa OHDê ya Amedê têkildarî binçavkirinên li Amedê daxuyaniyek nivîskî da û diyar kir ku polîtîkayên zextê bi tu awayî nayên qebûlkirin û got ku binçavkirin li dijî ruhê pêvajoyê ye
Li Amedê di navbera 21 û 23yê Tebaxê de ji bo cangoriyên Tevgera Azad a Kurdistanê konên sersaxiyê hatibûn danîn û bi hezaran kes tev li bîranînê bibûn. Lê îro li Amedê danê siharê ji ber tevlibûna bîranîna cangoriyan polîsan bi ser gelek malan de girt û 10 welatî binçav kirin.
Şaxa Komeleya Hiqûqnasên Ji Bo Azadiyê (OHD) têkildarî binçavkirina 10 welatiyên ku bi hinceta tev li bîranînê ya li Parka Koşuyolê bûne li ser hesabê xwe yê medyaya dîjîtal daxuyaniyeke nivîskî parve kir.
‘Binçavkirina nayên qebûlkirin’
Şaxa OHDê ya Amedê detnîşan kir ku binçavkirinê ku îro li Amedê hatin kirin li di jî ruhê pêvajoyê ye û wiha got: “Piştî derketina qanûna çarçoveyî tevgerên bi vî rengî ne li gor ruhê pêvajoya Aştî û Civaka Demokratîk e. Pêvajoya Civaka Demokratîk, bi binçavkirinan, bi zordariyan û sînordarkirina maf û azadiya welatiyan nameşe. Kesên ku tev li bîranîna bûne têne krîmînalîzekirin, nayê qebûlkirin. Em wan binçavkirina qebûl nakin. Divê welatiyên Amedê demildest bên berdan.”
