Goreyê çimeyanê taybetan, kombîyayîşê endamanê Fermandarîya YPJ’yî û Wezîrê Karanê Zereyî yê hukmatê demkî, teqrîbî saete 00:15î de qedîya. Çimeyan dîyar kerd ke do xoserîya YPJ’yî çiman ver bêro girewtiş û derheqê babete de muneqeşa do dewam bikero.
Çimeyê taybetî ANHA’yî rê eşkera kerd vizêrî (26ê tebaxe) de mabênê Fermandarîya Yewîneyanê Pawitişê Cinîyan (YPJ) û Wezaretê Karanê Zereyî yê hukmatê Sûrîye yo demkî de yew kombîyayîş virazîya.
Kombîyayîşî de endamê Fermandarîya YPJ’yî Newroz Ehmed, Sozdar Hacî, Xalsa Ayêd, Berfeka Buroyê Çapemenîye ya YPJ’’yî Rûken Cemal û Wezîrê Karanê Zereyî yê hukmatê Sûrîye yo demkî Enes Hesen Xetab beşdar bîyî.
Kombîyayîş saete 23:00î de dest pêkerd û teqrîbî saete 00:15î de qedîya.
Çimeyan derheqê netîceyanê kombîyayîşî de agahîye dayê û da zanayîş ke, do goreyê xoserîya herêmanê Kurdan, rewşa YPJ’yî do sey îstîsnayî bêro vînayene.
Goreyê eynî çimeyan, YPJ do mîyanê Wezaretê Karanê Zereyî de, sey yewîneyanê taybetî yê Antîterorî, cayê xo bigîro; la hîna derheqê na mesela de qerarê peyînê nêameyo dayene û muneqeşeyê înan dewam kenê.
