Seba weş bîyene…
Hamnanê serra 1938î… Bi vatişê dewijan, “wextê cuwenî.” Dewa Surbahan-Kiliçkaya, Balibey, Girlevik, Kismikor, Magaçûr û dewanê dorûverê înan, 97 dewijê bêgunayî ke heme camêrdî û Elewî bîyî, ameyî komkerdene û hîrê rojî axurê Eyûp Axayî de bê nan û bê awe ameyî girewtene.
Mîyanê înan de kesê her emir û meslekî ra bîbî; esnafê şaristanî Yagci Alî, Murtaza Alî, Şofor Şukrî, Wendekarê mektebê mîyanên Huseyîn Gokdemîr, Suleyman Gokdemîr, Muxtarê dewe Xelîl Înce, gazîyê şerî Mehmet Kiliçkaya û Alî kiliçkaya.
Badê ke bi kindiran yewbîna ra girêdanê, binê çimdarîya leşkeran de na raywanî yena dest pêkerdene. Cayêko berzîya xo 3.200 metre mîyanê sînorê Pulurî de vîyarteyê koyê ke xir û xalî yê Newala Zînî de qedêno.
8ê tebaxa 1938 de hemû kesê ke ardê tîya de bê Muhakemekerdene bi guleyan ameyê kiştene. Cenazayê înan waro akerde de verdenê ke hetê vergan,maran û teyr û turan ra bêrê werdene.
Wexto ke nê kesan nê koyanê xir û xalî de 97 dewijan kişenê, keyeyanê înan zî vejenê raywanîyêka nedîyar, yanî erşawenê surgun.
Semedo ke Newala Zînî xeylê serran sey herêmeke qedexekerde îlankerdbî, Keyeyê nêşkayene xo biresnê mezelê heskerdoxanê xo û nê zî eşkayene şînê xo bigîrê. Destpêkê serra 1950 de yê ke raya verêne resayê herême, rastê esteyanê ke pêser de kombîyê ameyê.
Seba ke no dejê gird nêro xo vîr ra kerdene, ma vîrrardişê pîy û kalikanê xo yê ke ameyê qetilkerdene vîrê înan gandar bigîrê û seba têkoşînê birûmet yê pawitişê vîrî, ma şima roja 8ê tebaxa 2026 de saete 15:00 de dewa Kiliçkaya ya Erzinganî de tewrê merasimê vîrrardişî kenê.
Programê vîrrardene:
Panşeme, 6ê tebaxe 2026
Zîyaretê wareyî
📍 Dewa Kılıçkaya / Erzîngan
⏰ 15:00
🗓️ Îne 7ê Tebaxa 2026an
Zîyaretê Newala Zînî
📍 Newala Zinî
⏰ 11:00
🗓️ Şeme 8ê tebaxa 2026
Vîrardişê Vîndîbîyayan û Qurbanîyanê Newala Zînî
📍 Dewa Kılıçkaya / Erzîngan
⏰ 15:00
Înîsîyatîfê Newala Zînî
