Fîksturê Super Lîgî dîyar bi. Hewteyo 1. de Amedspor û Erzurumspor reyde yenê têduştê yewbînan. Maç do 16ê tebaxe de Amed de bêro keykerdiş.
Fîksturê Super Lîgî yê Trendyolî yê sezonê 2026-2027î dîyar bi. Fîkstur, Tesîsê Federasyonê Futbolî yê Tirkîya (TFF) de Rîva de bi tewrbîyayîşê heme serekanê kluban ame antiş. Sezonê 2026-2027î yê Super Lîgî do 14ê tebaxe de dest pêbikero û dewreyo yewin ê sezonî do 21ê kanûne de biqedîyo.
Dewreyo dîyin ê lîgê zî do 15ê çeleya 2027î de dest pêbikero. Sezonê 2026-2027î do 23 gulana 2027î de biqedîyo.
Fîksturê lîgî ke virazîyayo; Amedspor hewto 1. de do Erzurumspor reyde bêro têduşt. Do maç 16ê tebaxe de Stadê Tahîr Elçî yê Amed bêro kaykerdene.
Amedspor û Erzurumspor Lîgo 1. yê Trendyolî de ser kewtê û derbasê Super Lîg bîyî.
