Meclîsê Cinîyan ê DEM Partî, bi sloganê “Bi têkoşînê azadîya cinîyan ver bi komelê demokratîkî” Pirsûs de konferansê xo yê herêmî viraşt.
Meclîsê Cinîyan ê DEM Partî konferansê xo yê herêmî, bînaya DEM Partî ya qezaya Pirsûsî ya Riha de viraşt. Şaristananê herême yê sey Semsûr, Dîlok, Meletî û Mereş ra xeylî cinî tewr bîyî. Konferans bi sloganê “Bi têkoşînê azadîya cinîyan ver bi komelê demokratîkî” dest pêkerd. Salone de pankartê “Cinîyanê Sosyalîstan reyde Aştîya Komelkî û Komelê Demokratîk awan kenê” û “Cinî, Cuye, Azadîye” ameyê aliqnayene.
Konferans bi rêzgirewtiş dest pêkerd. Dima ra Hemsereka DEM Partî ya Riha Ayşe Surucu dest bi qiseykerdişî kerd. Ayşe Surucu qiseykerdişê xo de bale ante muhîmîya konferansî û rojevo ke do bêro muneqeşe ser o.
Dewamê konferansî de bale anacîya rol û muhîmîya cinîyan ê prosesî ser û ame dîyarkerdene ke ganî piştîdayîş û rêxistinkerdişê cinîyan her warî de bi hawayêko hêzdar bêro rayraberdene.
Badê qiseykerdişanê destpêkî konferans çapemenî rê girewte dewam kerd.
