Ozgur Ozel derheqê partîya newîye de agahîye neweyî pare kerdî û dîyar kerd ke ey serê name û logo de xebitîyene û vat ke heta ey nameyê partî eşkera bikerê sey “Partîya newî” bêro vatene.
Serekê Pêroyî yê CHP’yî Ozgur Ozel o ke bi qerarê ‘Betalkerdişo qetî’ wezîfe ra ame dûrvistene, tewrê programê Sozcu TV bî. Ozgur ozel derheqê partîya newîye de qisey kerd û serê xeylê babetan de vindert.
Ozgur Ozel serê persa partîyêka newî awan bikerê yan nê, wina cewab da: “Tewlê îmzayan zî kongre nêkenê. Prosesê mehkema est o. Dima ra zî ma do Komîteya Rayberdişê Merkezî ya Partî kom bikerê û uca de munaqeşe bikerê. heto bîn ra zî serê îhtîmalê ronayîşêk partîyêka newîye grûbêke embazê ma nîzamname nusnenê. Peynîya aşma temmuze û destpêkê aşma tebaxe de serê na babete de do gamî bêrê eştene. Ma serê name û logo de xebitîyene. Nameyî ser o pêkerdişêk esto, heta ma name dîyar bikerê, eşkenê vajê ‘Partîya Newî’”.
