Merdimê Vîndîbîyayan û şubeyê ÎHD’yî yê Amedî, Êlih, Riha, Colemêrg û Îzmîrî sey her hewte, no hewte zî bale ante aqûbetê vindîbîyayeyan ser. Çalakîye de vengdayîşê meqamanê sîyasî û edlî ame kerdiş ke peynîyê redkerdişî û bêcezaverdişî bîyarê.
Merdimê Vîndîbîyayan û Şubêyanê Komeleya Heqê Merdiman (İHD) yê Amedî, Êlih, Riha û Colemêrg û Îzmîr de çalakîyanê xo ya ‘Wa vîndî bêrê vînayene faîlî bêrê mahkemekerdene’ domnayê. Çalakîya nê hewteyî de aqûbetê Mehmet Yildiz, Aydin Ay, Şukru Firat, Recep Îkîncîsoy û Ayten Ozturk ame persayene. hat pirsîn. Çalakîya Geverî de zî faîlê Suleyman Aksu yo ke qirkerdişê 20ê temmuza 2015î yê Pirsûsî de bi 32 embazanê xo wa amebi qetilkerdiş, ame persayîş.
Amed
Şubêyanê Komeleya Heqê Merdiman (İHD) yê Amedî û merdimê vîndîbîyayan hewteyê 910. de çalakîya xo ya “Wa vîndî bêrê vînayene faîlî bêrê mahkemekerdene” ke her hewte virazenê no hewte zî domna. Merdimê vîndîbîyayan, avûkatê heqê merdiman verê abîdeya Heqanê Merdiman yê Parka Koşuyolu ya qezaya Rezan ya Amed de ameyê têhet. Çalakîye de pankart û fotografê vîndîbîyayan ameyê berzkerdene û endam û rayberê sazgehanê sîvîl û xeylî kesî beşdarî çalakîye bîyî.
Çalakîya nê hewteyî de aqûbetê Mehmet Yildizî ke 22yê temmuza 1994î de, wexta şino qezaya Pasûrî, hetê leşkeran ra yeno destbendkerdene û a roje ra nat te ra nêna girewtiş, ame persayene. Endamê Komîsyonê Vîndîbîyayan ê şubêya HD’yê Amedî Berfîn Elçî hîkayeya Mehmet Yildizî wend.
Çalakîye bi roniştişî qedîya.
Êlih
Merdimê Vîndîbîyayan û Şubêyanê Komeleya Heqê Merdiman (İHD) yê Êlihî, hewteyê 746. de çalakîya xo ya “Wa vîndî bêrê vînayene faîlî bêrê mahkemekerdene” verê Abîdeyê Heqanê Merdiman ê Cadeyê Gulistanî de viraşt.
Çalakiya nê hewteyî de aqûbeta Aydin Ay ame persayene. Aydin Ay di 10ê temmuza 1993 de keyeyê xo yo ke Taxa 19 Mayis ya Êlihî de, hetê hêzanê dewlete ra ameybi remnayîş û a roja ra nat tu agahî tera nêame girewtiş. Rayber û endamê ÎHD’yê û merdimê vîndîbîyayan û xeylî kesî tewrê çalakîye bîyî û fotografê kesê destbendkerdîyî ke vîndîbîyî ameyê berzkerdiş. Endamê ÎHD’yê a Êlihî Reşît Çetînkaya hîkayeya Aydin Ay wend.
Eşkerayîye dima deqîqeyêk çalakîya roniştişî qedîya.
Riha
Şubeyê Komela Heqanê Merdiman (ÎHD) ê Riha û merdimê vindîbiyayeyan hewteyê 79. de çalakîya xo yê bi waştişê “Wa vindîbîyayeyî bêrê vînayene, failî bêrê muhakeme kerdene” domna. Merdimê vindîbiyayan û avûkatê heqanê merdiman Parka Novada ya qezaya Xelîliye ya Riha de kom bîyî. Çalakî de pankartê ke fotografê vinîbiyayeyan ra ameya viraştene û fotografê vindîbîyayan ame berzkerdene. ÎHD’yî fçalakîya xo ya nê hewteyî de aqûbetê Şukrû Firat ke 24ê gulana 1993î de, dewrê saete 14:00î de tewr peyîn Riha de, qewexaneyêk de ameyo dîyîyayîş û ameyo vîndîbîyayekerdiş ame persayene. Endamê sazgehanê sîvîl û xeylî medrimê vîndîbîyayan tewrê çalakîye bîyî. Hemberfeka Komîsyonê Vîndîbîyayeyan ya Riha Demet Aykut hîkayeya Şukrû Firat wende.
Eşkerayîye dima deqîqeyêk çalakîya roniştişî qedîya.
Colemêrg
Şubeyê Komela Heqanê Merdiman (ÎHD) ê Colemêrgî û merdimê vindîbiyayeyan çalakîya xo yê bi waştişê “Wa vindîbîyayeyî bêrê vînayene, failî bêrê muhakeme kerdene” Kuçeyê Hunerî yê Geverî de viraşt. Çalakîya hewteyê 236. de ya Geverî de zî faîlê Suleyman Aksu yo ke qirkerdişê 20ê temmuza 2015î yê Pirsûsî de bi 32 embazanê xo wa amebi qetilkerdiş, ame persayîş. Maya Suleyman Aksu, Kudret Aksu zî tewrê çalakîye bî û waşt ke faîlê lajê aye bêrê vînayîş
Eşkerayîye dima deqîqeyêk çalakîya roniştişî qedîya.
Îzmîr
Komîsyona vîndîbîyayan a Şubeyê Îzmîrî ya Komeleya Heqanê Merdiman(ÎHD) Serra 40nê yê ronayîşê komele de seba persayîşî aqûbeta vîndîbîyayan yê destbendkerdeyan de bi waştişê cezakerdişê faîlan çalakîya xo ya roniştişî dewam kerd. Komîsyonê çalakîya na hewteyî de ya ke di hewteyan ra reyke verê Sumerparka kane ya Konakî de virazenê, bale ante serê hîkayeya vîndîkerdişê Recep Îkîncîsoy û Ayten Ozturk. Çalakî de pankartê ‘Vîndî dîyarê, kiştoxî ça de yê ? û vîndî wijdanê to yê, wayîr ro wijdanê xo vejîye’ ameyî akerdene û eşkerayî hetê Endamê Komîsyonê Vîndîbîyayan Mustafa Kizartici ra ame wendene. Mustafa Kizartici dîyar kerd ke serra 40. de yê Komele de heme kesê ke destbendkerdeyî ke ameyê vîndîkerdene birêz û hesret vîr anê û wina vat: Çewres serra ma hewl danê bibê vengê hewarê dayîkan, bibê vengê cigêrayîşê edaletî yê keyeyan, ‘Vîndî ça de yê? Vera vîrrakerdişî ma pawitişê hafiza, rastî û edaletî kenê.” Mustafa Kizartici vengdayîşê meqamanê sîyasî û edlî kerd ke peynî ro redkerdiş û bêcezaverdayîş bîyarê û gureyê xo seba cigêrayîşêko çalak bi ca bîyarê û dîyar kerd ke ey do heta peynî pey şopê vîndîbîyayan de bê. Eşkerayî de hîkayeyê vîndîkerdişê Recep Îkîncîsoy o 16 temmuza 1980yî û Ayten Ozturk a 27ê temmuza 1992 de amebî vîndîkerdene, ame wendene.
Badê eşkerayî çalakî bi roniştiş qedîya.
