Qezaya Licê ya Amedî de mabênê di keyeyan de pêrodayîş vejîya. Cinîya bi nameyê Figen Baran a 18 serrî ke wextê pêrodayîşî uca ra vîyartêne, bîye hedefa guleyan û ameye kiştene.
Qezaya Amedî Lice de mabênê keyeyanê Yilmaz û Mizrakli de serê meseleya erdî de pêrodayîş vejîya û cinîya bi nameyê Figen Baran a 18 serrî ke wextê pêrodayîşî uca ra vîyartêne, bîye hedefa guleyan û ameye kiştene.
Goreyê agahiyan; mezraya Herbeqne ya ke girêdayeya dewa Cofitnê ya qezaya Licê de meseleya erdî ser mabênê keyeyanê Yılmaz û Mizrakli de munaqeşe vejîyeno û keyeyî bi çekan kewtê pê. Fîgen Barana ke hayîya aye pêrodayîş ra çinî ya, wexto ke mêrdêyê xo reyde mîyanê dewe ra bi wesayît vîyartêne, gule pirogina. Fîgen Barana ke bîye hedefa guleyan, cayê hedîse de cuya xo ra bîye.
Cipersayîş ame destpêkerdene
Hedîse ra dima tîmê cendirmeyan sewqê herêmî bîyî. Ame zanayene ke girêdayê hedîse de 7 kesî ameyê destbendkerdene. Cenazaya Fîgen Barane seba otopsî berde morga Sazgehê Tiba Edlî ya Amedî. Serdozgerîya Komare ya Licêyî derheqê hedîse de cipersayîş da destpêkerdene.
