Rîyê germîya hewayî ya zaf zêdeyî ra Îngilîstan de 2 hezar û 700 kesî cuya xo ra bîyî.
Zanistê îlmî yê xeylê welatan ke mîyanê torra World Weather Attribution (WWA) de xebitîyene, bi tewrbîyayîşê cigêrayoxenê Împerîal College London, Ofîsê Meteorolojî yê Brîtanya (Met Office) û Pakîya Londonî û Wendegehê Tibî yê Tropîkalî, tesîrê pêlê germî yê rekorî ke aşmanê gulane û hezîrane de Îngilîstan û Galler de ameyo vînayene û tesîrê germinîye serê mergan de analîz kerdî.
Goreyê nê cigêrayîşan, mergê 550 kesan ê ke aşma gulane de cuya xo ra bîbî, rewşa germinîya zêdeyî ra eleqedar vînenê. Aşma gulane de germinîye resaye 35 dereceyan û rekoro tewr berz şikit. Sewbîna netîceyê pêlê germîya ke nêmeyo dîyin ê aşma hezîrane de virazîyabî, yeno texmînkerdene ke zêdeyê 2 hezar û 700 kesî cuya xo ra bîyî.
Aşma hezîrane de ke Rojawanê Ewropa de germinîya tewr çetine dîye, Sewbîna Almanya de mergê nêzdîyê 5 hezar û 500 kesan, Fransa de 2 hezar kesan û Belçîka de 1 hezar û 200 kesan zî germinîya zêdeyî ra eleqedar ameyî vînayene.
