Girewteyo nêweş Tuncer Saglam ke nêweşxaneyêkê taybetî yê Ankara de yeno tedawîkerdiş, cuya xo vîndî kerd.
Girewteyo nêweş Tuncer Saglam serra 2024î de Wan de bi maneya “propagandaya rêxistine” ameybî girewtiş. O Nêweşxaneya Şaristanî ya Etlîkî ya Ankara de cuya xo vîndî kerd. Tuncer Saglam Hepisxaneya Emnîyeta Berze ya Wanî de yeno tepiştiş. Badê ke rewşa weşîya ey xirab bîye, 9ê teşrîna verêne de sewqê Hepisxaneya Hûmare 2 ya Sîncanî ya Ankara bî. Ame dayîşzanayîş ke Tuncer Saglam 25 roj bî ke Nêweşxaneya Şaristanî ya Etlîkî ya Ankara de yeno tedawîkerdiş. Badê ke rewşa ey hîna xirab bîye, o ame entubekerdiş.
Tuncer Saglam ewro sibayî cuya xo vîndî kerd.
Yeno pawitiş ke cenazeyê Tuncer Saglamî badê kar û barê otopsî Ankara ra bêro ardiş Wan û dewa Koloyî ya qezaya Qelqelî de bêro defnkerdiş.
