Çalakîyê dewa Arzoxlî ya vera projeya GES’î bê mabên dewam kenê. Dewijê, ke vera GES’î çalakî kenê, dîyar kerd ke ê heta serkewtiş çalakîyanê xo dewam kenê û raye nêdanê projeyanê GES’î rê.
Dewa Arzoxlî ya ke qezaya Sûrî ya Amedî ra ya de, cehdê awankerdişê projeya GES’î û vera na proje çalakîyê dewijan dewam kenê. Şirketa ke wazena projeya GES’î zemînanê dewe ser o awan bikero, rojan ra nat leşkeran reyde yena qada projeyî û dewijî vera naye têkoşîn kenê. Dewijan venga rayedaran kerd ke ê xebata ke yena kerdene bivindarnê û vat ke ganî leşker nê, rayedarê şirketî vejîyê ver û hesabê na yewe bidê.
Dewijan dîyar kerd ke ê wayîrê herdî yê û herdê ke proje ser o yena awankerdene ra teber, çîyêk çin o ke debara xo pê bikerê. Dewijan peyêne de vat ke heta awankerdişê na proje nêvindero, ê xo ver danê.
