DBP’yî seba serrgêra mergê awankerdoxê alfebeya Kurdî ya latînî Celadet Alî Bedirxanî eşkerayîyêk pare kerde û vat: “Ma serrgêra bêmergîya Mîrê Ziwanê Kurdî Mîr Celadet Alî Bedirxanî de, ey bi rêzdarî û minet anê xo vîrî.”
Partîya Herêman a Demokratîke (DBP) awankerdoxê alfebeya Kurdî ya latînî, ziwanzan û nuştox Celadet Elî Bedirxan serrgêra 75. yê mergê ey de yad kerd. Celadet Elî Bedirxan o ke 15ê Temmuza 1951 de şaristanê Şamî de cuya xo ra bîbî, bi xebatê xo yo ke bingeyê weşangerî û edebîyatê kurdî yo modern awan kerd o yeno şinasnayene.
Parekerdena DBP’yî wina ya:
“O seba pawitiş û averberdişê ziwanê kurdì bî serkêşêk. Bi kovara Hawarî resa hawara ziwanê kurdî, seba nuştişê kurdî bingeyêko mende awan kerd û seba averşîyayîşê edebîyatê kurdî verê ma de rayîrêk akerd. Xebatê ke ey ramitî têna seba ê demî nê, heman dem de seba neslanê ey ra dima zî bî rayberêk.
Taqîpkerdiş û dewamkerdişê mîrasê ey mesuldarîya ma ya hempar a. Bi na hişmendîye, ma yo şitilo ke ey seba ziwanê kurdî na ro, pîlêr bikerê û seba ziwanê kurdî bikerê dara cuye. Vîrameyîşê Mîr Celadet Bedirxanî do xebatanê ziwan û kulturê kurdî de biciwîyo.”
