Partîya Herêman a Demokratîke Serrgêra qetilkerdişê Sekreterê Pêroyî yê Partîya Demokrat a Kurdîstanê Îranî Dr. Ebdurrahman Qasimlo û hevalê ey yad kerdî û wina vat: “Dr. Qasimlo sey serkêşo ke cuya xo seba heq û azadîya şarê kurdî nîyaz kerd, vîrê şarê ma de cayê xo paweno.
Siyasetmedaro Kurd ê Rojhilatê Kurdistanê Dr. Ebdurrehman Qasimlo 37 serrî nayera ver 13ê Temmûza 1989î de Vîyana de terba çend hevalanê xo, temsîlkaranê Komara Îslamî ya Îranî reyde pêvînayîş kerd. Qasimlo û hevalê ey bi suîqast zereyê Vîyana de wexto ke rayedaranê Îranî reyde mîyanê muzakereyan de bî hetê temsîlkaranê Îranî ra ameyî kiştene.
“Eşkerayîya ke Partîya Herêmanê Demokratîkan (DBP) serê hesabê xo yê dîjîtalî de pare kerda wina ya: “Serrgêra qetilkerdişê Sekreterê Pêroyî yê Partîya Demokrat a Kurdîstanê Îranî Dr. Ebdurrahman Qasimlo û Endamê Komîteya Merkezî Evdila Ghaderî Azarî de, ma înan bi rêzdarî û minet anê vîrê xo. Dr. Qasimlo sey serkêşo ke cuya xo seba heq û azadîya şarê kurdî nîyaz kerd, vîrê şarê ma de cayê xo paweno. Bi na wesîle, ma do heme serkêş û ercanê xo vîrameyîş û têkoşînê xo de ganî bikerê ke hewn û xeyalê înan ê seba aştîyêka mende û azadîye biqewimîyê.”
