Xebatê cigêrayîş û pakîye yê herêma nêzdîyê sînorê Çînî ya Nepalî de, felakete laserî de dewam kenê. Goreyê agahîyanê peyênan hûmara qurbanan resaya 626 kesan û bi hezaran kesî zî vîndîyaye yê.
Goreyê xebra Kathmandu Postî ke agahîyan resnena polîsanê Nepalî, hûmarê qurbananê laserê Nepalî resaya 626 kesan.
Rayedaranê Nepalî eşkera kerd ke awe ver, bi desan pirdî rijîyayî, rayîrî xeripîyayê; seba xebatanê cigêrayîş û xelisnayîşî helîkopter herême rê ameyo erşawitiş.
Rayedarêk ke Associated Press (AP) rê qiseykerd, dîyar kerd ke 2426 kesî ke, bîyanî zî têde, hema zî vîndîbîyaye yê.
Verfekê Artêşê Nepalî, Tugeneral Rajaram Basnet eşkera kerd ke herêmanê laserî yê sey Rasuwa û Nuwakotî de heta nika 900 kesî ame xelisnayene. Mîyanê kesanê ke ame xelisnayene de, 92 Hindî û 119 kesê bîyanî zî esta.
Hetê bînî ra, seba xelisnayîşê bi seyan karker û şarê herême yê ke tunelanê hîdroelektrîkî yê Trishulî de asê mendî, bi helîkopteran operasyon ame destpêkerdene.
Ame eşkerakerdene ke sebebê şert û mercanê hewayî û varanî ra, operasyonê xelisnayîşî bi zehmetî aver şino.
