HSD bi daxuyaniyekê diyar kir ku girtîgeha Şedadê ji bin kontrola şervanên HSDê derketiye.
Navenda Ragihandina Hêzên Sûriya Demokratîk (HSD) ragihand ku ji saetên sibehê ve komên çeteyên hikumeta demkî ya Şamê û Tirkiyeyê li dijî girtîgeha Şedadê ya başûrê Hesekê êrişên xwe didomînin. HSDê diyar kir ku wan Girtîgeha Şedadê ya ku hezaran çeteyên DAIŞî tê de ne ji kontrola wan derket.
Di daxuyaniyê de wiha hate gotin: “Ji saetên sibehê ve komên Şamê bi awayekî dijwarî êrişî girtîgeha Şedadê ya ku tê de bi hezaran endamên rêxistina DAIŞê ya terorîst hene dikin. Şervanên HSDê bersiva van êrişan didin û gelek caran ew êriş têk birin. Ji bo karesateke ewlehî çênebe bi dehan şehîd û birîndar çêbûn.
Baregeha koalîsyonê xwe kerr kir
Tevî ku girtîgeha Şedadê 2 kîlometre ji baregeha Koalîsyona Navneteweyî ya li herêmê ve dûr e, lê li gel bangên dubare, baregehê destwerdan nekir. Em ji raya giştî re dibêjin ku girtîgeha Şedadê ji kontrola hêzên me derket.”
