Amed – Musabeqaya teknolojî ya dinya “NASA Space Apps Challenge” ke Kurdîstan û Tirkîya de 32 şaristanan de yena viraştiş, Amed de dest pêkerd. Musabeqa de ke 63 kesî û 14 tîmî tede ca gênê, tîm yan zî kesê serkewteyî do bibê mêmanê merkezê NASA’yî yê Amerîka.
Musabeqaya mîyanneteweyîye ya teknolojî û newebîyayîşî “NASA Space Apps Challenge” ke Kurdîstan û Tirkîya de 32 şaristanan de yena viraştiş, Sûmerparka Amedî de dest pêkerd. Musabeqaya bêpereyîye ya bi sernuşteyê “Daneyê NASA’yî, Fikrê To” ke rojanê 14 û 15ê teşrîna peyêne de dewam kena de, 63 kesî mîyanê 14 tîmanê cîyayan de ca gênê.
Çalakî bi hetkarîya rêxistinanê mehelîyan û piştdayîşê Şaredarîya Amedî ya Şaristanê Girdî yena ramitiş. Planêk est o ke tîmo ke peynîya maratonê di rojan de bi projeyanê xo bibo yewin, Amerîka de raste-rast şiro merkezê sereke yê NASA’yî yê Eyaletê Florîda.
