Amed – Tazîyeya 16 endamanê PKK’yî yê ke serranê 1990î de şehîd bîyê pêşengîya MEBYA-DERî de roja 2. de dewam kerd.
Tazîyeya 16 şehîdanê ke Pêşengîya Komela Yewî, Kultur, Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) de amebî ronayene roja 2. de dewam kerd.
Şîn Qezaya Rezanî de, Keyeyê Şînî yê Mazidaglarî de amebî ronayene. Cayê şînî de fotoya Rayberê Şarê Kurdî Abdullah Ocalan ameyî daliqnayene û fotoyê 16 şehîdan zî masayan ser de, mîyanê vilikan û renganê neteweyî de ameyî cakerdene. Heto bîn ra pankartê ke tede “Şehîdî Nêmirenê” û “Şopê Şehîdan de ver bi Rayberîye û Şarê Xoserî” nuşte yê, ameyî daliqnayene.
Ewro seba Şehîdanê Azadîye do mevlûd zî bêro dayene û şîn no şan ra seate 17:00î de do bêro qedênayene.
