Girewteyo nêweş Tuncer Saglam ke nêweşxaneyêkê taybetî yê Ankara de cuya xo vîndî kerdbî, keyeyê ey cenaze girewte û hetê Wanî ser kewt rayîr.
Girewteyo nêweş Tuncer Saglam serra 2024î de Wan de bi maneya “propagandaya rêxistine” ameybî girewtiş. Seba nêweşîya xo 25 roj bî ke Nêweşxaneya Şaristanî ya Etlîkî ya Ankara de yeno tedawîkerdiş. Tuncer Saglam ewro sibayî cuya xo vîndî kerd. Cenazeya Tuncer Saglamî seba otopsî berdbî Sazgehê Tibê Edlî yê qezaya Keçiorenî ya Ankara. Badê karê otopsî cenazeya ey keyeyî rê ameye teslîmkerdiş. Keyeyî cenaze girewte û hetê Wanî ser kewt rayîr.
