Amed – Festîvala Govende ya 2. bi sloganê “Pol bi pol, hetê aştîye ser” û bi coşêko gird dest pêkerd. Kincê kurdan û govendkerdoxan kuçeyê Amedî bi rengê xo xemilnayî.
Festîvala Govende ya 2. bi coşêko gird dest pêkerd. Govendkerdoxî 17 şaristananê her çar parçeyanê Kurdîstanî ra ameyî Amed. Ê verê Komeleya Dîcle Firatî de ameyî têhet û bi girseyî rayraşîyayîş dest pêkerd. Girse bi vengê def û zirna heta Çand Amed rayra şîyî. Şarê Amedî bi heyecanêko gird temaşeyê govendkerdoxan kerd. Welatij û hezkerdoxê kulturê eslî roja yewine de dorê govende de bîyî yew.
Wexto ke govendkerdoxî resayî verê Çand Amedî, bi kincanê xo yê herêmkîyan û bi coşê xo yo germ kilamî vatî û govende geş kerde.
