Rojnameya Azadîya Welat hûmara xo ya 42yine de, nêzdîbîyayîşê hukmatî û dewlete yê prosesê Aşitî û Komelê Demokratîk ser o bal ante û manşeta “Prosesî jehrin mekerê” vejîye.
Hûmara 42yine ya Rojnameya Azadîya Welat ebe manşeta “Prosesî jehrin mekerê” kewte destê wendoxanê xo. No hewte de nuştoxanê rojnameyî Felemez Ulug û Zinar Ronî, veng û vurnayîşê 2 serran analîz kerd û bale ante serê nêzdîbîyayîşê hukmatî, yê ke prosesî derg kena, û ser fehmkerdişê hukmatî yê ke ê Aşitî û Komelê Demokratîk rê esto.
Nuştox Mulkiye Bîrtane zî ebe sernameyê “Waye û birayîya merdiman” bal ante serê heqê têduştîye yê ke mabênê gelan, bawerîyan û nasnameyanê cîyayan de esto. Nuştox Îsmet Konakî zî rûpelê Kirmanckî de ebe sernameyê “Tirkîya de ‘Kulturê talanî’” bale ante ser kulturê talankerdişî yê Tirkîya de.
Rojnameye de Nuştoxî Medenî Ferho, Gelawêj Ewrîn, Arslan Ozdemîr, Zaza Cebelî, Prof. Dr. Abdulîllah Polat, Siyabend Aslan, Serbest Rêzan, Kadîr Stêra, Keleş Kîwexî û Kadrî Kiliç, ebe nuşteyanê xo bale ancenê serê babetanê rojeve.
