Amed – Festîvala 3. ya Kultur û Parekerdişê Keda Cinîyan a Şaredarîya Peyasî tena cayê rotişê berardişan nîya; eynî wextî de bîye qada yewîye û piştîdayîşê cinîyan.
Şaredarîya Peyasî warê xebatanê cinîyan de zaf beşanê cîyayan de atolyeyê keda cinîyan ramena û seba ke keda cinîyan bêro dîyayîş, Festîvala 3. ya Kultur û Parekerdişê Keda Cinîyan viraşte. Festîvala ke 3 rojî dewam kerd, tena cayê rotişê berardişanê virazîyayeyan nîya. Qada festîvale eynî wextî de bîye qada yewîye û piştîdayîşê cinîyan.
Her standê ke berardişê cinîyan tede yenê rotiş, hîkayeyêka cîya ya ked û têkoşînî xo mîyan de gêno. Cinîyan ke berardişê xo standan ser ronayî, dîyar kerd ke semedê mojnayîşê keda xo zaf kêfweş ê.
