Îstanbul – Qesebeya Gelîk ya qezaya Kîlîmlî ya Zonguldakî de madenê komirî de teqayîşêk bî û 3 karkerî ganê xo ra bîyî.
Qesebeya Gelîk ya qezaya Kîlîmlî ya Zonguldakî de madenê komirî yê şirketêka taybete de teqayîşêk virazîya. Badê ke hedîse ame dayîşzanayîş, ekîbê îtfaîye, AFAD û cendirme şîyî cayê hedîseyî.
Ame dîyarkerdiş ke netîceyê teqayîşî de 3 karkerî ganê xo ra bîyî. 7 karkerî zî hetê ekîbanê AFAD û îtfaîye ra madenî ra ameyî xelasnayîş. Ame zanayîş ke yew karker zî maden de asê mendbî la o zî dima ame xelasnayîş.
8 karkerê birîndarî ameyî berdiş nêweşxaneyan û tedawî benê. Ame zanayîş ke rewşa 2 karkeran giran a.
