Di çarcoveya lêpirsîna li ser Şaredariya Çukurovayê de Şaredar Emrah Kozay û Şaredarê berê Soner Çetîn jî di nav de 34 kes hatin girtin û 15 kes jî bi biryara kontrola edlî hatin berdan.
Serdozgeriya Komarê ya Edeneyê bi hinceta “gendeliya di îhaleyê de” li dijî Şaredariya Navçeya Çukurovayê ya Edeneyê lêpirsîn dabû destpêkirin. Di çarçoveya vê lêpirsînê de 19ê Cotmehê li dijî Şaredariya Çukurovayê operasyonek hate kirin. Serdozgeriyê derbarê 51 kesan de biryara binçavkirinê derxistibû. Di operasyonê de Serokê Şaredariya Çukurovayê Emrah Kozay, Şaredarê berê Soner Çetîn û 4 cîgirên şaredar jî di nav de 49 kes hatibûn binçavkiribûn.
Serdozgeriya Komarê ya Edeneyê derbarê operasyonê de îdia kir ku di kar û barên şaredariyê de bêûsûlu hatiye pêkanîn û di îhaleyan de gendelî hatiye tespîtkirin. Operasyon jî ji ber îdiayên “Ji bo sûcdariyê avakirina rêxistinê”, “endamtiya rêxistinê”, “bertîl” û “di îhaleyan de gendelî” hatiye lidarxistin.
Piştî karûbarên 49 kesan li Fermandariya Cendirmeyan a Edeneyê bi dawî bû sawqî dadgehê hatin kirin. Piştî îfadeyên binçavkiriyan bi dawî bûn, dadgehê derbarê şaredar Emrah Kozay jî di nav de ji bo 34 kesan biryara girtinê da. 15 kes jî bi biryara kontrola edlî hatin berdan.
Di çarçoveya lêpirsînê de lêgerîna 2 kesan didome.
