Girtiyê nexweş Celal Yildirim ku li Girtîgeha Curnê Reş qeyrana dil derbas kiribû, piştî ku rewşa wî dîsa xirab bû, ji nû ve birin nexweşxaneyê.
Girtiyê nexweş Celal Yildirim (56) ku li Girtîgeha T Tîpî ya Hejmara 2 ya Curnê Reş tê girtin, li girtîgehê qeyrana dil derbas kiribû. Hat hînbûn ku Celal Yildirim di 19ê Cotmehê de ji ber ku rewşa wî dîsa xirab bûye, ji nû ve rakirine nexweşxaneyê.
Celal Yildirm 2yê Cotmeha de li girtîgehê qeyrana dil derbas kiribû û wî biribûn Nexweşxaneya Dewletê ya Mehmet Akîf Înan. Yildirm 10 rojan di bin tedawiyê de mabû û paşê dîsa şandibûn girtîgehê.
Li gorî agahiyên ku di hevdîtina parêzeran a îro de hatine wergirtin, rewşa Celal Yıldırım di 19ê Cotmehê de dîsa xirab bûye. Hat diyarkirin ku Celal Yildirim ji ber tengasiya bêhnstendinê û êşa sîngê birine beşa kardiyolojiyê ya Nexweşxaneya Dewletê ya Mehmet Akîf Înan û piştî tedawiya li wir, di heman rojê de dîsa birine girtîgehê.
