Îstanbul – Rojnameger Bahadir Ozgur ke vizêr bi îdîaya “binpaykerdişê nimitîya tehqîqatî” ameybî destbendkerdene, bi qerarê kontrolê edlî ame veradayene.
Serdozgerîya Komare ya Îstanbulî derheqê krîzê fonan û dizdîye de tehqîqatêk dabî destpêkerdene. Rojnameger Bahadir Ozgur vizêr bi îdîaya ke “nimitîya tehqîqatî binpay kerda” ameybî destbendkerdene.
Bahadir Ozgur ewro badê karê îfadeyî ame sewqkerdene Dadgehê Çaglayanî yê Îstanbulî. Dadgehî bi şertê kontrolê edlî qerarê veradayîşê Bahadir Ozgurî da û Bahadir Ozgurî rê hewte de di rojan şertê îmzadayîşî da.
Bahadir Ozgurî nuşte û programê xo yê Halk TV’yî de zaf behsê dizdîya fonan kerdbî û raya pêroyî reyde pare kerdbî. Wexto ke Bahadir Ozgur destbendkerdiş de bî, hesabê ey yê X’î zî ame astengkerdene.
