Sînorê Kerkûkî de mayînêk wesayîtê leşkeranê artêşa Îraqî de teqaye. Goreyê melumatanê verênan, efserêk û leşkerêk ganê xo ra bîyî, 2 leşkerê bînî zî birîndar bîyî.
Goreyê melumatanê ajansê Rojnews’î, mayîn Çemê Zixêtûnî de teqa; no çem sînorê qezaya Reşad ya wilayetê Kerkûkî de yo. Ame dîyarkerdene ke mayîno ke verê cû ameybî ronayene, wesayîtê têkilîyan yê berpirsîyaranê Fîrqeya 11. ya artêşa Îraqî de teqaye.
Goreyê melumatan, wexto ke no hêz operasyonê cigêrayîş û pakkerdişê herême yê vera çeteyanê DAÎŞ’î de bî, teqayîş qewimîya. Netîceyê teqayîşî de Fermandarê Têkilîyan yê fîrqe Ahat Yasir û leşkerêk ganê xo ra bîyî, di leşkerê bînî zî birîndar bîyî.
Ganî bêro vatene ke vizêr (13ê teşrîna verêne) teyareyanê şerî yê Îraqî na herême bombebaran kerdbî. Badê cû nê hêzan seba kontrolkerdişê herême hereket kerdbî.
